Siporo SPORT

Ubukwe bwa Messi buzaba ejo ku ivuko!! Ibimaze kumenyekana….

Ifoto yo mu kirere y'aho ubukwe buzabera

Ifoto yo mu kirere y’aho ubukwe buzabera

Abavugizi ku ruhande rwa Messi, itangazamakuru mu mujyi wa Rosario hari ibyo bamaze gutangaza ku migendekere y’ubukwe n’abatumirwa.

Icyamamare muri muzika Shakira n’umugabo we Gerard Pique ukinana na Messi muri Barca bari mu batumirwa 260 bo muri ubu bukwe.

Cyo kimwe n’izindi nshuti za cyera zo mu bwana bwa Messi n’abakinnyi bakinana nka Suarez na Neymar.

Christiano Ronaldo ntavugwa mu batumirwa, cyane ko muri iyi minsi anahuganye n’ikipe ye ya Portugal iri mu mikino ya nyuma ya Confederation Cup mu Burusiya.

Hafi y'aho hari quartier ikaze y'abacuruza ibiyobyabwenge

Hafi y’aho hari quartier ikaze y’abacuruza ibiyobyabwenge

 

Ikanzu y’umugeni

Antonella Rozzuzzo w’imyaka 29 azaba yambaye ikanzu yakozwe n’umuhanzi w’imideri witwa Rosa Clara wo muri Espagne, iyi kanzu ngo izava i Barcelona ku munsi w’ubukwe.

Rosa Clara yambitse ibindi byamamare byarongowe nka Eva Longoria, Sofia Vergara n’Umwamikazi wa Espagne Letizia.

Ubu bukwe buzatangira saa yine z’ijoro kw’isaha ya Rosario muri Argentine (kuwa gatandatu saa munani z’ijoro i Rushyarara ya Karambi i Nyamasheke n’ahandi mu Rwanda) bubere muri Centre Casino Hotel.

Aha ni hafi cyane ya quartier ituyemo abantu baciriritse ndetse ibamo ama Gang y’abacuruza ibiyobyabwenge.

Gushyingirwa imbere y’amategeko n’ubukwe byose bizabera aho imbere, abatumirwa nabo bazacumbikirwa muri iyi Hotel.

Messi ngo yasabye ushinzwe guteka kubatekereza ibimenyerewe hariya iwabo byitwa Locro na Empanada, ni inyotse z’inyama z’inka mu buryo bwabo.

Band icuranga Pop ikunzwe cyane muri Amerika y’Epfo yitwa Rombai & Marama n’umurirmbyi witwa Karina, uyu akaba umugore w’umukinnyi Sergio Kun Aguero nibo bazasusurutsa ubu bukwe.

Ntibiramenyekana niba na Shakira atazabacishirizaho ka “Whenever, Wherever..”

Umutekano uzacungwa na ba kabuhariwe bo muri Israel Messi asanzwe akorana nabo mu kumurindira umutekano.

Abanyamakuru 155, bazaba bafite aho batarenga, nibo bemerewe kuzaza gukurikirana ubu bukwe. Umuseke ntabwo watumiwe (ni ukubasetsa)…ubwo tuzavana amakuru kuri abo…

Aho ubukwe buzabera umutekano uzacungwa n'Abanya Israel ba kabuhariwe

Aho ubukwe buzabera umutekano uzacungwa n’Abanya Israel ba kabuhariwe

Src:Umuseke.rw

Ibyerekeye uyu mwanditsi

CYUZUZO AIME CHRISTIAN

Tanga ubutumwa

%d bloggers like this: